Transcription
1
Monseigneur, ayant receu celle qu’il vous a pleu me envoyer le dixneufieme du present moys
2
j’ey faict assembler les communes de ce pais pour savoir d’eulx le moyen d’y
3
entretenir la cavalarie lesquelz m’ont prié supplier votre grandeur ne la leur
4
mander, mesmes que l’annee passee ce pays a esté presque sterile, et pour y fere
5
service dicy à notre ennemy[ ?] il y a pour y aller et retourner de six à sept lieux estant
6
aussi gens du pays sperant que avec l’ayde de dieu que avant qu’ilz entrent en ce
7
cartier leur appozer sur les passaiges, et toute la craincte qu’a vous n’est que de
8
surprinse, estant dans la ville, ilz seroient maistres de tout ce bailliage. Pour y
9
obvier il seroit necessaire avoir une compaignie entretenue de cent homes pour
10
tenir le demeurant en esveilh en gardent ceste ville. Tout le pays est bien gardé
11
et ne se peuvent plaindre d’aulcune despence et ne sont esté surcharges que la necessité
12
ne l’aye requeru et des le commencement de ses guerres ilz n’ont fourny leurs gens
13
que pour rendre, que ne le meyne presque poinct de depance. Je vous prierey monsseigneur
14
me donner le moyen par lequel je puysse conserver le service de sa majesté et le votre
15
il a passé aujourd’huy cinquante arquebuziers de Freyssiniere en Queyras estrangiers
16
qui sont venus de Chaussault. J’ey oppinion que c’est pour favoriser ceux de Mollins.
17
Je leur en ay adverty puys hier comme votre seigneurie verra par la lettre du chastellain
18
qu’il m’escript estant fermé la montagne de neige. Il n’a peu arriver à temps. Je ferez mon debvoir et serey tousjours prest recepvoir vous bons plaisirs, priant
19
dieu
20
Monsseigneur vous conserver en tresparffaicte santé treslongue et vie heureuse,
21
cest de Briancon le XVIIe mars 1574
22
Votre treshumble et tresaffectionné
23
serviteur
24
Ferrus